×

Warning

JFolder: :files: Path is not a folder. Path: /home/diario18/public_html/images/Durante November
×

Notice

There was a problem rendering your image gallery. Please make sure that the folder you are using in the Simple Image Gallery Pro plugin tags exists and contains valid image files. The plugin could not locate the folder: images/Durante November
General Hits: 429

Durante November, ocho di e diesdos sectornan a registra subida di prijs

General Hits: 429
Durante November, ocho di e diesdos sectornan a registra subida di prijs
General Hits: 429

Indice di Prijs di Consumo pa luna di November 2023

ORANJESTAD (AAN):  Oficina Central di Estadistica ta presenta e resultadonan principal di e Indice di Prijs di Consumo (CPI) pa luna di November 2023

            E CPI pa luna di November 2023 ta 108.34, loke ta representa un subida di 0.2% compara cu e indice di October 2023 (108.14). E cambio di e CPI pa e ultimo diesdos (12) lunanan (November 2022 te cu November 2023) ta 1.7%, un caida di 4.9 punto di porcentahe (ppt) compara cu e periodo corespondiente di aña pasa (6.6%).

            E promedio anual (ultimo 24 luna) di e tasa di inflacion pa e periodonan di November 2021 te cu November 2022 y November 2022 te cu November 2023 ta 3.7%, un caida di 1.6 ppt compara cu e 5.3% registra den e periodonan di November 2020 te cu November 2021 y November 2021 te cu November 2022.

            Durante e luna aki, ocho (8) di e diesdos (12) sectornan a registra subida di prijs. E subidanan cu tawata tin e mayor efecto riba e CPI a wordo registra pa e sectornan di “Comunicacion” (6.0%) y “Recreacion y cultura” (2.2%), causando un efecto di respectivamente, 0.49 y 0.19 ppt. E subidanan den e restante sectornan a contribui cu un efecto di 0.31 ppt riba e CPI di November 2023.

            E subidanan aki a wordo contraresta parcialmente door di principalmente un caida den e indice di e sector di “Transporte” (-5.2%) cu a contribui cu un efecto di -0.70 ppt riba e CPI di November 2023. E caida den sectornan restante a contribui cu un efecto di -0.11 ppt riba e CPI di November 2023. E subida den e sector di “Comunicacion” a wordo causa principalmente door di un subida di 6.1% den e categoria “Servicio di telefon y fax”, causando un efecto di 0.48 ppt.

            E subida den e sector di “Recreacion y cultura” a wordo causa principalmente door di un subida den e categoria “Vacacion” (6.6%), causando un efecto di 0.15 ppt. E caida den e sector di “Transporte” a wordo causa principalmente door di un caida den e categoria “Gasto relaciona cu uso di vehiculo di transporte personal” (-6.5%), causando un efecto di -0.58 ppt.

{gallery}Durante November, ocho di e diesdos sectornan a registra subida di prijs{/gallery}