Ley di Cacho 101

ORANJESTAD (AAN): Den e edicion prome cu esun aki, a splica articulo 1 di nos Ley di Cacho caminda a specifica kende ta autoridad (bevoegd gezag) y ken ta responsabel pa e cacho (houder).

Ministerio Publico desde aña 2015 a fiha e transaccionnan den cuadro di Ley di Cacho. Cuerpo Policial di Aruba (KPA) ta autoriza pa ofrece transaccionnan entre 300 y 1000 florin, pa cada violacion, na doñonan di cacho cu no ta tene nan mes na Ley.
Tin un mascota ta trece responsabilidadnan grandi. E ta rekeri tempo, placa y dedicacion.
Tempo: bo ta responsabel pa bo cacho y tur su criaturanan pa resto di nan bida of te ora bo haya un doño nobo pa nan, esey por tuma asta 10-15 aña di bo tempo;
Placa: cuminda di cacho, cuido veterinario ora mester, awa fresco pa bebe tur dia, un cura pa no tin acceso na caya, etc., tur ta costa placa y bo mester tin esaki pa por cuida debidamente di bo cacho;
Dedicacion: bo mester tin dedicacion pa bo atende adecuadamente cu bo cacho su necesidadnan y mantene bo mes na e reglanan stipula den Ley pa bo no tin nodi haya un multa.
Pa percura pa bienestar di nos cacho como nos mascota a inclui e puntonan aki den nos Ley di Cacho y den e edicion aki lo enfoca riba articulo 2 cu ta toca e tema di cuido di cacho.

Articulo 2 ta bisa cu e doño di e cacho ta obliga pa duna e cacho e cuido necesario.
Cuido debido di nos cacho ta encera en todo caso cu e doño ta percura:
- pa e cacho come tur dia y tin awa di bebe tur ora;
- pa e ta proteha na tur momento di solo, biento y awacero;
- pa e haya cuido medico di un veterinario ora ta necesario;
- pa e dispone di suficiente espacio pa e por move, te asta si e cacho ta mara.

Ora di violacion di e obligacion pa cuida e cacho, e transaccion cu ta wordo ofreci ta 750 florin. Prome cu esaki ta haya un warning di polis. Ora di recidive (ripiti e violacion), e transaccion ta bay pa 1000 florin.

Stima bo cacho y dun’e bon cuido. E ta conta riba bo.

MvT Ad artikel 2
----------------
De huidige Hondenverordening bevat geen enkele bepaling met betrekking tot het welzijn van honden. Weliswaar bevat het Wetboek van Strafrecht van Aruba (AB 1991 no. GT 50) een tweetal bepalingen (artikel 265 en artikel 477 (Nieuw Wetboek van Strafrecht AB 2012 no. 24  artikel 2:335 en artikel 3:10)), waarin het benadelen van de gezondheid van een dier strafbaar is gesteld, doch door het algemene en repressieve karakter daarvan zijn deze bepalingen weinig geschikt om af te dwingen dat een hond fatsoenlijke verzorging krijgt. Daarin voorziet nu expliciet het voorgestelde artikel door voor te schrijven dat een hond voldoende eten en water moet krijgen van voldoende kwaliteit alsmede geschikte beschutting tegen de weersinvloeden. Zonodig kan de minister ingevolge het tweede lid nog nadere, meer uitgewerkte regels terzake stellen.