Na 1942 meymey di Dos Guera Mundial teribel na Europa y algun parti mas di mundo, enseñansa na Aruba ta dal un paso grandi, un school MULO pa mucha muher ta cuminsa.
Maria College ta cuminsa bao liderasgo di Zuster Meletia den algun lokaal na e actual Rosa College y e clubgebouw dilanti Maria Convent.
Debi na situacion di guera no tabata tin contacto cu Hulanda y no tabata tin buki.
Ta loke e Soeurnan di e tempo ey tabata usa pa material di educacion tabata creacion propio. Hunto cu Soeur Meletia tabata Soeur Aletta cu tabata scirbi of type e material didactico.
Na 1944 tabata tin 3 candidato pa examen final di MULO. E aña ey Aruba tabata tin 22 candidato pa examen final di MULO.
Na aña 1946 a cuminsa construi e actual Maria College cu a finalisa na aña 1947. A construi 13 lokaal. Na 1952 a construi un hala mas di lokaal.
Na 1948 Soeur Dorothea ta tuma e liderasgo y ta continua pa 20 aña como cabesante di Maria College. Na 1968 ta Soeur Helene ta continua cu e liderasgo di Maria College.
Durante e liderasgo di Zr. Helene cambionan grandi ta socede na Maria College. E concepto di MULO school ta cambia den MAVO y ta bin acerca ETAO school. Tambe e distincion di school pa mucha homber y school pa mucha muher ta stop y ta bira un school mescla.
Zr. Helene ta keda cabesante te cu aña 1973.
Na 2022 Maria College lo cumpli 80 aña di existencia.
Compila pa Roberto Croes
Nos Historia Nos Herencia
