Laylany y Valentina corona como reinanan di La Salle College

ORANJESTAD (AAN): Un celebracion fenomenal tabatin Diabierna na La Salle College,

ora cu a yega e momento pa escoge kende ta bira Prins y Pancho, y tambe kende ta bay cu e corona di Reina di Ciclo Basico, y tambe Reina di Ciclo Avansa.

   Finalmenta a escoge Prins Ping y Pancho Pong como ganador.  Posteriormente diferente klas a competi pa e corona di Reina, y tabata bunita pa mira cada klas ta apoyando nan candidata.  E candidatanan a haci nan best riba escenario.

   Finalmente ta e dama dinamico Laylany a keda eligi como Reina di Ciclo Basico.  Tambe e dama energetico Valentina a keda eligi como Reina di Ciclo Avansa.

   Diabierna awor durante e Parada Escolar, tanto e Prins y Panchonan, cu tur Reina lo jump huntocu henter e scol pa asina despedi di Carnaval 51.