Curaçao a haya un ‘Waterpark’ nobo como atraccion

WILLEMSTAD: Kunuku Aqua Resort a yama bon bini na un parti nobo, sumamente atractivo pa su bishitantenan, tanto local como turista.

   Prome minister Gilmar Pisas a realiza apertura oficial di “Kunuku’s Waterworld” riba Diabierna cu a pasa.

   Special pa e ocasion aki, alumnonan di 10 klas for di diferente scol rond Curaçao, entre grupo 3 te 8 a haya invitacion pa nan participa na e actividad sublime aki, y hunto cu Prome Minister Pisas a corta e cinta di apertura.

   Logicamente e hobennan a goza inmensamente di e parke di awa cu Kunuku Waterworld ta ofrece.  Alabes e resort a moderniza e ‘waterslide’ y otro atraccion existente pa asina comberti Kunuku Aqua Resort den un di e resortnan di mas dushi pa tur famia caminda spesialmente muchanan ta drenta un paraiso cu ta brinda nan experiencianan unico.