ORANJESTAD (AAN): Tabata Diaranzon merdia banda di 2:40 pm, cu un unidad di Polis di Playa a ser manda na Goletstraat den Madiki como cu na e adres ey a horta un
Smartphone.
Ora cu Polis a yega na e adres, nan a papia cu e dama di inicial P., kende a splica cu e tabata sinta riba asiento patras den auto ta comiendo su almuerzo, ora cu diripiente el a mira con un homber desconoci cu forza a dal kibra e bentana banda drechi dilanti, rek man paden y gara e Smartphone di su yiu homber.
Ta trata aki di un Samsung A70. Mesora e homber desconoci a rek un careda bay direccion pariba. Su yiu homber tambe a sali y a bay na careda tras di dje. Aki ta unda e señora a spanta y a dicidi na yama Polis mientras tanto.
Un poco despues e yiu homber a regresa cu su Smartphone den man.
Mirando esey, e señora P. no tabata kier a entrega keho.
Segun bisiñanan, ta e conocido di polis cu ta e homber P. a haci esaki. Patruya di Polis a controla den e area pero no por a mira e homber aki.
Central di Polis a worde notifica di e sucedido den Goletstraat.
