Ladies of Harley Ride ta bay ta riba 3 di Mei y lo haci un donacion na Fundacion Ultimo Deseo Aruba

ORANJESTAD (AAN): E club di Harley Aruba HOG 297 ta bay organiza un ride yama ‘Ladies of Harley’,

cu ta bay ta di 4 biaha cu esaki ta wordo organiza.

E  inscripcion  pa esaki ta bay ta na Casibari riba 30 di April y ta cuminza 19:30.

Ladies of Harley a wordo crea pa HOG International pa asina motiva hendenan muher pa subi na Harley y core rond.

Riba 3 di Mei ta un dia special pasobra rond mundo ta bay tin un International Female Ride caminda cu varios hende muher ta bay core riba nan Harley.

Richard Fingal, PR di HOG durante un conferencia di prensa a splica cu despues cu bo inscribi bo ta ricibi un t-shirt y un pin y un tas cu contenido y bebida, como tambe coupons pa door prize.

“E ladies por gana bunita premionan riba e anochi aki”.

E ride ta bay ta riba 3 di Mei y e salida ta bay ta for di Colegio Conrado Cornel.

Nos ta cuminza 15:30 y e salida ta bay ta 5’or di atardi, segun Fingal.

El a splica cu lo tin 1 stop durante e ride, unda cu lo tin weganan y premionan.

Despues di e stop lo sigui pa Casibari unda cu ta bay tin DJ Jeff y banda Azucar pa entretene publico.

Fingal a splica cu e placa genera pa e ride lo bay pa un instancia caritativo yama FUDA, cu ta Fundacion Ultimo Deseo Aruba.

 Renate Raves di FUDA a splica cu e boluntarionan di e fundacion ta haci lo maximo pa yuda personanan cu ta hopi malo, realiza nan ultimo deseonan.

Pesey e placa cu por wordo recauda ta asina importante.