La Salle College cu 72% di graduado den prome tanda

ORANJESTAD (AAN): Ta tur alumno di examenklas, hunto cu nan mayornan, amigo y demas famia,

a aglomera riba plenchi di La Salle College MAVO, pa asina presencia e momento cu ta divulga e resultado di examen.

   E lugar a wordo decora cu blaas masha bunita, cu sistema di sonido pa asina anuncia e momento, cu a baha e listanan di cada klas.

   E cantidad di studiante cu a gradua den e prome tanda ta di 72%.  E cantidad di alumno cu esaki ta representa ta 69 en total.

   E mihor graduado cu 6 vak riba su diploma, ta Dilan Perez di Klas 4-D.  E mihor graduada di 7 vak riba su diploma, ta Cathrine Kock di Klas 4-E.

   Aki por mira mas di e momento di anuncio di resultado na La Salle College.  Na esnan cu tin di haci her-examen, hopi exito.  Potretnan cortesia Facebook La Salle.