Alegria ora di anuncia resultado di examen HAVO na Colegio Nigel Matthew

ORANJESTAD (AAN): Durante siman, e nervio di hopi alumno a yega su fin, ora cu den oranan di atardi a anuncia resultado di examen pa HAVO,

na Colegio Nigel Matthew na San Nicolas.

   Aunke Colegio Nigel Matthew ta un scol di HAVO, sinembargo nan tin dos tipo di HAVO.  Uno ta ser yama e “HAVO Trayecto Regular” cu ta sigui e añanan di estudio cu semper e sector aki ta conoci pe.  Pero tambe a e scol aki, a crea un “HAVO Trayecto Largo” cu ta dura un tiki mas.

   Den e resultado di prome tanda cu a wordo anuncia den siman, e porcentahe di graduado di e HAVO Trayecto Regular ta di 62%.  Porcentahe di graduadonan di HAVO Trayecto Largo ta mas abao, pues 43% so.   Si bo pone nan hunto, e ta yega na un promedio di 55%.

   E cifranan aki por subi, depende di alumnonan cu ta purba di haya mihor punto den Her-Examen, pues den di dos tanda lo por haya sa esey.  Tambe tin varios alumno cu a gradua cu lo por haci her-examen den intento di mehora nan cifra final di diploma.