Kooyman Megastore a yena di mucha pa e Meet & Greet cu Monstertrucks

ORANJESTAD (AAN): E fiebre di Monster Truck a yega Diasabra na Kooyman Megastore riba Watty Vos Boulevard.

   Muchanan a pone nan mayornan hiba nan pa asina mira di cerca e Monstertrucknan.  Nan focus principal tabata pa saca potret y mira di cerca Sykotic.  E monstertruck Sykotic a wordo staciona cerca di e entrada di Kooyman, y a hala atencion di publico cu a probecha di e chens di meet & greet.

   Kooyman a percura pa muchanan a haya sucu, hotdog, saca potret di photobooth.  Tambe a haya chens di conoce y saca potret cu Bumble Bee y Optimus Prime.

   Un dia hopi exitoso unda Kooyman tabata bastante druk.  Paden di clientenan haciendo compras, y pafo muchanan ta admirando con grandi e wielnan di Monster Truck ta, y sacando potret.