ORANJESTAD (AAN): E aña aki Koningin Wilhelmina Fonds Aruba ta cumpli 65 aña sirbiendo e pueblo di Aruba.
65 aña di dedicacion na informa, educa y guia comunidad den momentonan dificil ora di enfrenta cancer.
Comunidad ta cordialmente invita pa join Koningin Wilhelmina Fonds Aruba y conmemora 65 aña di dedicacion na e pueblo Arubano. Lo tin un simposio cual lo tuma lugar diasabra awor dia 14 di maart den e ballroom na Aruba Marriott Resort & Stellaris Casino cuminsando pa 6pm te cu 9pm.
E lo ta un anochi ameno unda lo topa otro y intercambia di ideanan pero tambe haya informacion valioso. Lo tin un presentacion y panel consistiendo di dos orador: gastroenterologo/MDL Dr. Franca y oncologo Dr. Daryanani.
Adicionalmente, DVG lo duna e cifranan mas recien relaciona cu cancer y e studiante sra Jeltzlin Semerel lo amplia riba desaroyonan importante cu a bin dilanti den su investigacion cu e ta haciendo pa su PhD tocante e relacion entre aloe vera y posibel medicinanan pa cancer.
Pa mas informacion y carchi, por pasa na oficina na Spinozastraat 9 of yama na 582-0412.
