Kizas por usa presonan pa yuda haci Bushiri Beach limpi

ORANJESTAD (AAN): E beach unda antes tabata Bushiri Beach Resort, algun tempo pasa a haya un bida nobo ora cu un crew cu DOW a pone eynan,

a haci tur e area bunita y atractivo.  E beach tur e matanan eybanda a keda mash bon haci, y e landscaping a bira aun mas yamativo.

   Tabata agradable pa mira e area aki no djis for di tera, pero tambe for di lama ora cu barconan crusero tabata yega.

   Pero e area aki a wordo haci limpi solamente un biaha, y despues di esey nada mas di mantenimento a tuma lugar.  Y awor por mira cu e situacion ta hopi mahos mes, cu e bista di yerba, sushi, y nada yamativo.

   Kico lo socede?  Kizas DOW tin di bolbe manda crew pa haci e area bek mes bunita atrobe.  Of haci caso di un sugerencia di lector recien, esta pa pone Presonan (menos peligroso) di Prison di KIA cu man na obra y yuda haci algo cu e zona ey.  Of kizas hasta e personanan cu ta haya castigo di Huez pa nan haci cierto oranan di “Trabao di Comunidad”, lo por duna un man pa asina pone e beach aki bek den top condicion.