ORANJESTAD (AAN): E lo start riba dia 30 di Augustus 2026, esta un Diadomingo marduga pa 2:00 am for di Neptali Henriquez Park.
Esey lo bira e di seis edicion di Ride4Kids 2025, organiza pa Kiwanis Palm Beach Aruba. E final lo ta te 10:00 am.
Mirando cu e edicion di ultimo añanan tabata sumamente exitoso, Kiwanis Palm Beach Aruba a anuncia di awor caba e fecha, pa asina tur esnan cu bicicleta marca esaki riba nan calender.
E evento anual aki di Kiwanis Palm Beach Aruba ta encera un buelta completo rond di e isla di Aruba ariba bicicleta. Esaki a resulta di ta un manera creativo y innovativo pa recauda fondo pa asina e club por cumpli cu su proposito di yuda comunidad, pero alavez promoviendo un estilo di bida saludabel.
Cada kilometer cu e participante core, ta yuda recauda fondo pa mas di 200 mucha den necesidad. Bo ta core bicicleta y haci educacion accesibel pa e muchanan aki. Corda cu tur ganashi lo bay directamente na asisti e muchanan den comunidad.
E evento a cuminza cu e grupo di coredornan cu a priminti di lo core un ruta di cien pico kilometer. Nan ta esnan cu a start e actividad aki. Despues a sigui esnan cu ta core distancia menos.
Ora cu solo a lanta mainta, hopi ciudadano sinta pafo di nan cas lo mira e ciclistanan aki pasa door di nan bario.
Kiwanis Palm Beach Aruba ta spera di por conta cu hopi ciclista un biaha mas pa nan evento di Ride4Kids di dia 30 Augustus 2026. Mas detaye lo aparece pronto den DIARIO.
