ORANJESTAD (AAN): Siman pasa durante nan reunion general, Kiwanis Club of Palm Beach a duna
bon bini na Nichole Sanser, kende ta director di operacion di Stichting ScubbleBubbles.
Conoci como ‘Reina di Coralnan’, el a bay duna un presentacion cortico pero impactante riba e importancia pa cuido di coralnan rond di Aruba.
E Fundacion apasiona y importante aki, ta haciendo un fenomenal trabao pa proteha y restaura e rifnan di coral rond di Aruba. E ta un mision cu ta vital pa salud di e ecosistema marino, y pa futuro generacion por disfruta y encanta cu nan.’
Como un gesto di aprecio y sosten, Kiwanis Club of Palm Beach a haci donacion di 750 Florin pa yuda nan sigui cu e esfuerzo increibel bao superficie di lama.
