ORANJESTAD (AAN): Dia 5 di juni Key Club Colegio Arubano a haci un donacion di Afl. 500,00 pa
Mary Joan Foundation pa apoya nan mision di brinda asistencia na hende y famia afecta pa cancer di pecho na Aruba.
E donacion tabata posibel danki na e exitoso proyecto di conscientisacion di cancer di pecho, unda nan a bende diferente articulo, manera: yabero, armband y cuki. E proyecto a yuda no solamente recauda fondo, sino tambe conscientisa y lanta solidaridad pa esnan cu ta enfrenta cancer di pecho.
Un danki di curason na tur esnan cu a contribui na e proyecto di Key Club Colegio Arubano, sea door di cumpra un of otro articulo of simplemente door di yuda comparti e mensahe di resiliencia y positivismo. Boso apoyo ta trece speransa, forsa y cuido pa nos comunidad.
