ORANJESTAD (AAN): E prome examen pa scolnan na Aruba a finaliza recien,
y e dianan aki ta tumando lugar e revision di tur examen di e alumnonan, sigui pa e reunionnan di docentenan, pa asina tuma decision kendenan a logra slaag cu e “prome tempo”, y kendenan tin chens ainda pa haci un her-examen pa purba nan suerte ainda.
Hecho ta cu riba Diahuebs 12 di Juni 2025, lo ta e fecha caminda alumnonan cu a haci examen lo por bay mira resultado. Algun scol ya caba a duna informacion di e fecha y e horario.
Maria College MAVO a indica cu nan lo duna resultado dia 12 di Juni 2025, pa 5:00 pm na e Voorplein di scol mes.
La Salle College MAVO lo duna resultado dia 12 di Juni 2025 pa 5:00 pm na Podium di scol mes.
Colegio San Antonio MAVO lo duna resultado dia 12 di Juni 2025 pa 4:30 pm riba tereno di scol na Santa Cruz.
Colegio San Agustin MAVO lo duna resultado dia 12 di Juni 2025 pa 12:30 pm riba tereno di scol na San Nicolas.
DIARIO no a ricibi tur fecha y horario di e scolnan. Pero di HAVO/VWO, a ricibi informacion cu Colegio Arubano lo duna resultado dia 12 di Juni 2025 tambe, pero ainda no a duna horario.
