Kiwanis Club of Aruba ta orguyoso di exitoso evento Back to School

ORANJESTAD (AAN): Recientemente Kiwanis Club of Aruba a tene nan evento anual di ‘Back to School’,

y aki a yuda studiantenan rond di e isla pa nan tin material necesario pa un exitoso aña escolar nobo.

   Cu e sosten di diferente representante di scol, cabezante, y studiante, nan a distribui rugtas yena cu material, uniform, y esencial, sigurando cu cada mucha a cuminza e aña escolar nobo cu confianza y orguyo.

   Kiwanis Club of Aruba ta manda un gradicimento di curazon pa nan patrocinadornan, esta Red Sail Sports cu a yuda cu 80 rugtas, The Ritz-Carlton cu a yuda cu demas rugtas, y New Leaf Notary cu un pakete completo di esencialnan pa scol.

   Nan generosidad sin duda a yuda pone sonrisa riba cara di hobennan y comunidad,  Hunto nan tur ta yuda construi futuronan mas briyante, danki na e rugtasnan aki.