Kiwanis Club of Aruba cu donacion di 15 mil pa cria muchanan

ORANJESTAD (AAN): Siman pasa durante nan Reunion General, cu orguyo Kiwanis Club of Aruba

a haci donacion di e placa recauda durante na proyecto di ‘Decoracion di Pasco’.  Esaki a produci un donacion di 15.000 Florin cu ta bay pa Fundacion Ban Duna un Man pa Cria Nos Muchanan.

   E donacion aki lo bay ta balioso pa yuda sostene e trabao increibel di e fundacion pa comunidad, y nan no por a haci esaki sin e yudansa di hopi.  Pesey esnan di Kiwanis Club of Aruba ta manda bisa danki na cada individuo, na cada compania, cu a contribui grandemente cu e proyecto aki.

   Y e impacto cu nan tur a logra, tabata visibel na momento cu durante e Reunion General, cu Giantonio Muller di Kiwanis Club of Aruba, a haci entrega di e donacion na president John Fun di e Fundacion, den presencia di tur miembronan.