Kiwanis Builders Club di Colegio San Antonio a bay haci beachnan limpi

ORANJESTAD (AAN): Diasabra 12 di februari 2022 Kiwanis Builders Club di Colegio San Antonio tabata tin su prome evento comunitario pa aña 2022.

   DIARIO a compronde cu e miembronan di e club a haci e area di Beach Rincon (panort di grapefield) limpi. 

   Nan a splica, cu e meta tras di e beach clean up ta pa yuda tene e bunita isla limpi y tambe pa demostra na pueblo di Aruba cu nan generacion di hoben ta preocupa pa medio ambiente y ta para pa un Aruba mas limpi.

   Kiwanis Builders Club-Colegio San Antonio ta un club international y extracurricular di hoben cu tin como meta crea hobennan servicial cu abilidad pa lidera, guia y mehora nan mes como persona y nan comunidad.