ORANJESTAD (AAN): Un di e weganan di mas popular di Lotto keto bay ta Zodiac.
Aki bo ta escoge un number consistiendo di 4 cifra, y bo ta agrega un signo zodiacal y ya bo ta den wega. Hopi hende ta cumpra nan number combinando cu tur 12 signo. Tur esey por.
Recientemente Kisha a cumpra su numbernan pa Zodiac, y a gana tambe. Pesey riba Diabierna el a acudi na oficina di Lotto na Playa pa reclama su premio. El a entrega su ticket riba cual el a pone su firma y tambe number di cuenta di banco.
E computer di Lotto inmediatamente a confirma cu Kisha a gana 25.000 Florin cu wega di Zodiac Merdia.
Mesora a cuminza cu e proceso pa transferi e premio electronicamente pa su cuenta di banco. Kisha a indica cu e ticket ganador el a cumpra na Tele-Uno.