ORANJESTAD (AAN): Dia 8 Juli 2026, Kiona S. Croes a defende su tesis exitosamente y a obtene e titulo di
‘Bachelor of Arts’ for di e programa Organization, Governance and Management, Facultad di Arte y Ciencia.
Kiona Croes a defende su tesis titula 'Invisible Barriers to Leadership: The Role of Imposter Syndrome in Shaping Women’s Leadership Experiences in Aruba'.
Kiona Croes a investiga con "imposter syndrome" (sentimento di duda propio, sinti manera un "fraude") ta manifesta den hende muhernan den liderazgo na Aruba — con duda interno ta interactua cu factornan externo manera expectativanan di genero na lugar di trabou, no mucho representacion di hende muher den cuartonan di liderazgo, y e cultura chikito y interconecta di Aruba.
El a entrevista diesseis muher lider den sector publico, priva y non-profit pa compronde si y con nan ta experencia y maneha e duda aki, con e ta afecta nan identidad como lider, y con nan ta defini "exito" personalmente apesar di e duda aki. E meta tabata pa no trata "imposter syndrome" solamente como un problema di mentalidad individual, sino mustra con e ta forma tambe pa condicionnan structural y cultural — loke ta hiba na solucionnan mas sistematico, manera mentorship y politicanan di trabou y no solamente confiansa personal.
E comision di graduacion tawata consisti di Valerie Maduro, MA; Mandy Lacle, MSc y Keaneeh Krozendijk, MSc.
Kiona ta gradici e docentanan di e departamento di OGM y profesional cu a yuda of gui'e como studiante, como tambe tur esnan na y pafo di Universidad di Aruba cu a contribui na un manera of otro na e acontecimento aki.
{gallery}Kiona Croes a gradua como Bachelor den Organization, Governance and Management{/gallery}
