ORANJESTAD (AAN): Un di e weganan di mas popular di Lotto keto bay ta Zodiac.
Aki bo ta escoge un number consistiendo di cuatro cifra, y bo ta agrega un signo zodiacal y ya bo ta den wega.
Esey ta loke Kimberly a haci tambe, y el a bira feliz ora el a nota cu el a gana. Pesey riba Diaranson el a acudi na oficina di Lotto pa reclama su premio.
Despues cu nan a revisa e ticket pa check si el a pone e firma, y a revisa e number di cuenta di banco, a scan e barcode y e computer mesora a confirma cu Kimberly a gana 12.500 Florin cu e wega di Zodiac Merdia.
Mesora a cuminza transferi e premio electronicamente pa su cuenta di banco. Kimberly a indica cu e ticket ganador el a cumpra na Suerte Bini Bini.
