ORANJESTAD (AAN): Recientemente informacion incorrecto a sali den prensa tocante e cuentanan anual di Free Zone Aruba N.V.
FZA NV ta lamenta cu e informacion aki a wordo treci dilanti sin cu a verifica nada.
Esaki lo por tin consecuencianan negativo pa pais Aruba internacionalmente den e plataformanan di FATF y CFATF y esaki tambe por tin consecuencianan negativo pa e imagen di e clientenan di FZA N.V..
Free Zone Aruba N.V. ta haya su mes obliga di saca e siguiente declaracion:
E responsabilidad di un “Registeraccountant” ta di tal modo, planea y ehecuta un encargo di control, cu por medio di e control aki e por obtene suficiente informacion pa e por forma y duna un opinion professional. E control di accountant mester wordo realisa professional y critico y unda ta relevante e lo aplica opinion professional den acuerdo cu e normanan di control di Hulanda, exigencianan etico y independiente.
Tur e cuentanan annual 2012-2019 di Free Zone Aruba NV a wordo controla dor di De Kort registeraccountant, y tur e cuentanan aki a ricibi un declaracion di aprobacion (na hulandes: “een goedkeurende verklaring”).
Banda di e echo cu Sr. De Kort ta un registeraccountant e tambe tabata director di e Centrale Accountants Dienst “CAD” di pais Aruba.
Cada aña e rapportnan di Sr. De Kort ta wordu trata den hunta di commisario di Free Zone Aruba N.V. bow di liderasco di mr. Johan Sjiem Fat, Presidente Commisario di FZA N.V.
Despues di aprobacion di e cuentanan annual pa e hunta di directiva, copianan ta wordu manda pa: E minister relevante, Centrale Accountants Dients (CAD), Algemene Rekenkamer Aruba (ARA), Directie Financien, Kamer van Koophandel, y Centrale Bank van Aruba.
E accionista na su turno ta aproba e cuentanan annual locual a sosode cu e minister actual cu ta encarga cu Free Zone Aruba N.V. esta Sr. mr. Geoffrey Wever, Minister di Asuntonan Economico, Comunicacion y Sostenibilidad.
Terminando FZA NV ta spera cu medionan di prensa den futuro ta averigua prome cu trece informacion incorecto.
Riba e potret adhunto por mira na man drechi: Drs. Greg Peterson, Director di FZAN.V. y na man robes: Drs. Franklin de Kort, Register Accountant di Free Zone Aruba N.V.
