Mike Eman ta bolbe Fort Zoutman awor cu poder di AVP ta comparti?
*Cuanto e hoben y pensionado lo mester pone den caha di Gobierno?
*Aruba den porta di otro aventura den situacion mundial di horor
ORANJESTAD (AAN) — Engaño di Pueblo ta e simbolo di Mike Eman, cu na 2024 ta lubida, cu situacionnan a cambia y weganan cu e ta hunga cu Pueblo, lo por pone na careda?
Ta exactamente 10 aña pasa cu Mike Eman a cubri Aruba cu berguensa ora como Prome Ministro di Aruba el a drenta welga di hamber den Fort Zoutman, pensando cu asina e no mester a confronta Reino cu a bati na porta?
Awe Mike no tin autoridad mas pa hunga cu Pueblo di Aruba y mester tene cuenta cu e realidad, cu ta cu un cantidad di 300 voto, a base di e restzetel, el a gana un eleccion?
Pero tin algo mas cu e mester tene na bista y ta e realidad cu e no ta e “vote getter” di Aruba mas y cu hasta e mester mira cu su wega a dal den su cara ya cu e cantidad di voto cu AVP a haya pa un parti grandi no ta di su persona pero di Cecilia cu el a pone number uno pero cu e mes a bisa no ta lider di partido?
AVP ta den un situacion sumamente serio y atrobe Mike ta hunga heroe y ta trata na ciego Pueblo cu e promesa di aumento di pensioen sin tene na cuenta cu pa su motibo situacion na Aruba a cambia y cu no tin placa mas pa e derocha?
Ta bon pa Mike Eman for di awor splica Pueblo cu ya den formacion di un Gobierno nobo mester atende tambe cu e Comision di supervision CAFt, cu lo exigi pa Mike Eman y su gobierno tene nan mes na tur regla pa asina Aruba no bolbe zink bou e peso di abuso cu placa di Pueblo manera a pasa durante gobernacion di Mike Eman den pasado?
Gobierno di Reino ta dobel atento pasobra ta Gobierno di Reino a baha Mike Eman for di Fort Zoutman den uno di e actonan mas humiliador cu un gobernante di Aruba a yega di conoce den historia di e pais.
Tur hende ta desea pa pensioen di behez subi rond mundo. Pero mester tin placa pa paga pa esaki y no mester bolbe hunga cu sentimento di Pueblo cu mester paga belasting pasobra no ta for di saco di Mike Eman e placa pa cubri e gastonan lo bini.
Mike Eman lo sigui disfruta di su Penthouse y di entrada cu politica ta ofrece for di e caha di placa di Pueblo, cu pa e parti mas grandi di su bida a percura pa e tabata tin bon entrada.
Pa aumenta pensioen di behez no ta e hoben so mester bay paga mas belasting ademas di tur loke e mester paga pa atende cu e debenan cu Mike Eman a laga atras.
Tur pensionado y tur hende cu tin pensioen di behez pero tin un entrada adicional cu ta pone cu nan ta cay bou belasting, tambe lo mester bay paga mas na belasting cu lo subi.
Esaki sigur ta conta pa pensionadonan entre otro di Gobierno cu tin un entrada na hopi instancia adicional ademas di nan pensioen di behez.
Un wega sumamente peligroso Mike ta hunga cu Pueblo di Aruba, cu a paga un prijs halto pa e hecho cu un tempo Mike a goberna Aruba, cu el a cubri cu berguensa y a haci cu awe ta bou supervision e pais ta wordo goberna.
Esaki ta nifica cu Mike lo mester tene cuenta cu Gobierno di Reino cu lo no hunga wega mas cu Mike, cu ta conoci pa e berguensa cu el a laga atras den historia di Aruba cu a wordo bochorna pa un Prome Ministro den huelga di hamber, ora e no tabata sa con scapa su cara mas!
Manera DIARIO a splica ta den un situacion mundial serio mundo y Aruba ta y Reino lo no tin tempo pa perde cu otro wega di Mike Eman, cu a pone Reino hari ora el a bay sconde tras di welga di hamber como Prome Ministro di Aruba!
