Keto bay training di Caribbean Coastal Warrior ta andando na Aruba

ORANJESTAD (AAN): Desde comienzo di luna di Juni, a cuminza na Aruba e training yama “Caribbean Coastal Warrior”. 

Esaki ta un ehercicio caminda mariniernan Mericano (United States Marine Corps) di e 2nd Reconnaissance Battalion ta bin entrena na Aruba.  E ta un ehercicio anual, y ta enfoca su mes riba posibilidadnan ora di buceo, tambe riba nivel tactico.

   E cooperacion entre Merca y Hulanda ta hopi fuerte.  Korps Mariniers y USMC ta considera otro di ta partnernan vast.  Na luna di Maart tambe, mariniernan di Marine Squadron Carib (antes yama 32 Raiding Squadron) a bay haci ehercicio na Merca.

   E lama rond di Aruba ta ideal pa ambos unidad di Marina pa haci training.  Cu e combinacion di temperatura di awa y claridad bao superficie, y tambe sosten logistico for di Marinierskazerne Savaneta, e condicionnan ta optimal pa un training efectivo y cu bon resultado.

   E training a wordo guia di parti Hulanda door di Defensie Duikschool y tambe Defensie Duikgroep.

   Caribbean Coastal Warrior lo finaliza e weekend venidero.