Kenna Hernandez a skirbi e buki ‘Los Diez Encantos’ y ta bay publica bukinan tambe na Papiamento

ORANJESTAD(AAN):  Kenna Hernandez a conta DIARIO den un entrevista,

cu for di chikito e tabata tin un pasion pa skirbimento y tabata hopi involucra den literatura y arte y na Aruba el a cuminsa skirbi durante e pandemia.

Ora cu el a yega Hulanda el a pensa dicon no publica y el a tuma contacto cu un compania di publicidad na Spaña, mirando cu e buki cu el a skirbi ta na Spaño.

E compania a bay di acuerdo y asina e proceso a cuminsa y a dura alrededor di 1 aña pa tur cos keda cla pa publica e buki cu yama Los Diez Encantos.

“Mi kier pa Aruba tambe sa di dje pasobra mi a lanta na Aruba y e ta un logro grandi”.

E ta na Spaño, pero mi tin tambe bukinan skirbi na Papiamento y mi ta bay publica nan, pa engrandece literatura tambe di Aruba, segun Hernandez.

El a splica cu locual a inspire pa skirbi e buki ta su mesun bida persona, e biahenan cu el a haci, e cosnan cu el a wak y e parti romantico cu el a pasa aden.

“Poesia tambe a inspira mi y varios cos cu a pasa rond di mi bida, como tambe storianan cu otro hendenan a contami”, segun e escritor Arubiano.