Kaylienne Ennis a bira Miss Amistad pa certamen Miss Teen Aruba International

ORANJESTAD (AAN): Diasabra anochi den The Cage Nightclub, e organizadornan di GLW Foundation

a tene nan asina yama ‘Awards Night’ pa e certamen di Miss Teen Aruba International 2021.  Ocho candidata ta competi pa e titulo maximo, y entre nan tin premio tambe cu a wordo entrega un siman prome cu e evento final.

   Tabatin premio tambe pa Miss Amistad.  E presentador George Winterdaal a anuncia cu e Miss Teen Aruba International Amistad 2021 a bira Kaylienne Ennis, candidata number 3.  E ta representa G&J Couture by Jennive.

   For di man di Ileyna de Cuba, Miss Teen Aruba International 2019 el a ricibi su medaya como Miss Amistad.

   E certamen final mes lo ta Diadomingo awor, 18 di Juli 2021 na Cas di Cultura.