ORANJESTAD (AAN): Ora cu bo ta den examenklas na scol, tin biaha bo tin di reta bo mes pa asina bo check si lo bo logra finaliza tur examen cu ta bo dilanti pa keda cla cu bo aña escolar.
Esey ta exactamente loke e alumno Jeshua F. Naar di Abraham de Veerschool MAVO a haci y a notifica tur hende di antemano.
El a bisa cu si acaso e logra di slaag pa su MAVO diploma awor na 2021, cu e lo feita y kita tur su cabey largo.
Diahuebs anochi na momento di e Graduacion di Abraham de Veerschool MAVO den ballroom di Holiday Inn Aruba Resort, tur hende a mira cu Jeshua a bin bisti tur na blanco, cu un sombre blanco riba su cabez.
Sinembargo ora di subi escenario pa busca su diploma for di man di cabezante Jane Hooft-Bueno, el a subi cu su cabez completamente pelon.
El a demostra cu e ta cumpli cu su palabra, el a feita cabez, y pa esaki el a ricibi un aplauso di otro mundo den sala ora cu docente a divulga na microfon di con su cabez ta pelon.
DIARIO ta desea Jeshua tur clase di exito den su futuro estudionan.
https://diario.aw/categories/noticia/general/alumno-di-abraham-de-veerschool-a-reta-su-mes-di-lo-feita-su-cabez-si-acaso-e-gradua#sigProId7037cfea1a
