Diahuebs otro siman
ORANJESTAD (AAN): Informacion for di Den Haag ta indica cu den cuadro di eleccion pa Gemeenteraad na Hulanda, Kabinet di Minister Plenipotenciario di Aruba ta organiza un asina yama “Politiek Cafe” riba diahuebs 5 di Maart 2026. E eleccion pa gemeeteraad mes ta dia 18 di Maart 2026.
Meta di e “Politiek Cafe” aki ta pa duna e Arubianonan bibando na Hulanda e oportunidad di tende di candidatonan y otro expertonan e importancia pa vota y kico politica ta nifica y ta haci pa bo gemeente. E programma ta conta cu dos politico Arubiano – Zane de Ponte (D66) y Vanessa Bruin (Leefbaar Rotterdam), mientras e anochi aki tambe lo tin participacion di “onderwijskundige” James van der Linde y presidente di OCAN Lionel Martijn.
E evento aki lo ta diahuebs 5 di Maart di 5or y mei te cu 7or y mei di anochi na De Haagsche Bier Kluis. Entrada ta gratis y esnan interesa por inscribi via e website:
Chens unico pa bo bay hunto pa scucha y orienta bo mes riba politica municipal na Hulanda.
