Judith Boekhout a celebra 25 aña di servicio na Giselle Department Store

ORANJESTAD (AAN): Dia 7 october Judith Boekhout a celebra cu 25 aña pasa e la drenta servicio di Giselle Department Store.

E ta haya hopi felicitacion di su hefenan Greta, Evelina, Gisela y su coleganan.

Judith ta traha den departamento di baby y ta un persona cu tur dia ta hopi tempran na trabao.

Como regalo su deseo tabata pa haya un celular, pero manera semper, Giselle Department Store a regala Judith un cadeaubon, colonia y e costumbrado envelop. Giselle Dept Store ta desea pa Judith keda hopi aña cerca nan.