ORANJESTAD (AAN): Diaranson anochi e sorteo gordo di Lotto 5 a produci e numbernan ganador 11, 21, 28, 32, y 35. E jackpot tabata na 340 mil Florin.
E ciudadano Joselito pa e sorteo ey a purba su suerte, y a cumpra su ticketnan cu number loco. Ora el a bay check su ticketnan, el a bin descubri cu uno di nan tin e combinacion ganador riba dje.
Pesey mes riba Diabierna el a acudi na oficina di Lotto na Playa pa reclama su premio. Aki mesora e funcionarionan a check si el a pone su firma na e banda patras di e ticket, y a scan e barcode.
Computer di Lotto mesora a confirma cu e ta e ganador di 340.000 Florin di Lotto 5.
Esey a sigui despues cu e proceso pa transferi e premio electronicamente pa su cuenta di banco. Joselito a splica cu e ticket ganador mes el a cumpra na Kas Ariba Lottery.
