ORANJESTAD (AAN): Aruba Airport Authority N.V. (AAA) a anuncia cu nan tin un Chief Executive Officer nobo,
esta Jonny Anderson kende ya for di 1 Januari 2026 a tuma su puesto. Esaki despues di su nombramento door di Gobierno di Aruba.
Johnny Andersen ta trece cu ne mas cu 20 aña di experiencia di liderato di aeropuerto internacional, despues di a ocupa funcionnan ehecutivo halto den varios organizacion di aeropuerto na Europa, Africa y Caribe. Andersen ta reconoci pa su enfoke fuerte riba excelencia operacional, disciplina financiero, sostenibilidad y compromiso di stakeholder y ta uni su mes na AAA na un momento importante den e desaroyo di e aeropuerto.
Den su funcion di CEO, Johnny Andersen lo dirigi Aruba Airport Authority den su siguiente fase, cu un enfoke riba operacionnan sigur, confiabel y rindimento halto, mientras ta impulsa e prioridadnan strategico di e aeropuerto a largo plaso, incluyendo e implementacion continuo di e programa di transformacion di Gateway 2030.
Johnny Andersen riba su comienso a expresa cu: “Mi ta honra di por a join Aruba Airport Authority y di por traha cu un team asina comprometi y profesional. Mi prioridad den e prome simannan ta pa tende, siña y haya un comprondemento profundo di e organizacion y su hendenan. Aeropuerto di Aruba fundamental pa e isla. Pa logra un aeropuerto solido, ta rekeri un enfoke structura y pensativo, mientras ta sigui opera tur dia.”
El a sigui bisa: “Pa mi, e ta fundamental pa ta accesibel, enfoca y plenamente comprometi cu nos teamnan y socionan. Hunto, nos lo sigui fortalece e rol di aeropuerto como un gateway confiabel y prepara pa e futuro di Aruba.”
Aruba Airport Authority ta ansioso pa e siguiente capitulo aki bou di e liderazgo di Johnny Andersen, mientras e organizacion ta sigui engrandece e rol di Aeropuerto Internacional Reina Beatrix den sostene conectividad, economia y desaroyo di Aruba a largo plaso
