Jeon a lansa 'Morena' hunto cu Carlos Arroyo Nicky Jam

ORANJESTAD (AAN):  Union ta hasi forsa y e colaboracion dinamico aki entre Carlos Arroyo, Nicky Jam conhuntamente cu Jeon ta trece un tremendo furor cu hopi satisfaccion en conexion cu nan ultimo hit “Morena”.

            Hopi medio di comunicacion ta expresa cu e tema aki realmente ta uno excelente! E tema aki ta carga cu ritmonan urbano modernisa y alabes cu ritmonan clasico di reggeaton. Por scucha con Jeon ta canta diferente letra na Papiamento y e tema aki den completo con cu e Artistanan aki ta present’e ta fenomenal

            Jeon a priminti cu lo tin hopi mas na caminda, pa cual e ta trahando hopi duro riba su carera musical pa por logra esaki. Pa mira un hoben manera Jeon habriendo caminda pa oportunidad pa talentonan den Caribe ta locual ta apasiona Jeon masha. E ta trece un orguyo hopi grandi pa henter Caribe pa por mira Jeon su logronan, y sin duda e ta ricibi un apoyo hopi grandi cu esaki.