Jeepers of the Caribbean tambe a dal un paseo rond di Aruba riba Dia di Himno y Bandera

ORANJESTAD (AAN): Riba Dia di Himno y bandera, e grupo di doñonan di Jeep na Aruba, a aglomera dilanti Super Do It Center na Shaba, pa asina prepara pa salida di un Jeep Ride. 

Algun rato prome, nan a coopera cu Mustang Grupo Aruba pa tene un Car Show na Divi Phoenix Resort.

   E grupo aki di Jeepers of the Caribbean, ta consisti di doñonan di vehiculonan 4x4 marca Jeep, a dicidi na keiro rond di Aruba riba Dia di Himno y Bandera.  E ta un grupo cu tin riba di 100 miembro registra, nan ta basta uni, jolly, y sigur cu ta stima cultura y tur cos patriotico di e isla.  Recien nan a hasta haya un Mericano como miembro, ora cu el a bin biba na Aruba.  Vocero di e grupo a splica cu tur 18 di Maart, nan ta dal un ‘official ride’ pa keiro.

   Tabata super bunita pa mira participacion activo di diferente grupo den comunidad, riba e Dia Nacional aki.