TOKYO: Japon a caba di revisa su calender pa cu plannan di exploracion espacial, cu e meta di pone un persona Japones riba luna pa e di dos mitar di e Decada di 2020.
“Espacio no ta djis un frontera cu ta duna speranza y soño na hende, sino cu e ta suministra tambe un base crucial pa nos sociedad economico pa loke ta nos seguridad economico,” ta loke Prome Ministro Fumio Kishida a bisa den un reunion pa asina forma e plan.
Segun e plan ta poni, Japon lo kier pone e prome no-Mericano riba Luna como parti di e Programa Artemis, cu ta un iniciativa lidera pa Merca cu ta busca pa debolbe astronauta bek riba Luna.
E plan ta detaya tambe aspiracionnan di Japon di lanza un nave pa explora Mars na 2024, como tambe pa busca forma di genera coriente solar den espacio.
Pais bisiña China tambe ta aspirando pa bira un potencial espacial grandi pa 2030 y tin plan pa pone astronauta riba Luna, y esaki ta ponebo pensa cu esaki a bira un careda espacial Asiatico.
