Ivangeline Matos eligi como Miss Youth Elegancia 2023

Kellen Venero a bira Miss Youth Press 2023

ORANJESTAD (AAN): Diasabra anochi a tuma lugar den Ballroom di Hyatt Place Aruba Airport, e anochi di Miss Youth Aruba unda a eligi esun cu ta haya e corona di Miss Youth Elegancia, Miss Youth Press, y Miss Youth Best Hairdo.

   Full e area di e Ballroom y hasta e foyer a wordo decora special pa asina trece e ambiente di gala y glamour cerca publico presente.

   E candidatanan pa e certamen di Miss Youth Aruba, a usa cada espacio den e Ballroom pa asina trece publico mas cerca di nan.

   Na final di e anochi, e titulo di Miss Youth Elegancia 2023 a bay pa Ivangeline Matos di Pos Chiquito.  Na di dos lugar a keda Amelia Elskamp di Oranjestad.  Di tres lugar ta Keylie Eckmeyer di Noord.

   E ganadora di Miss Youth Press 2023 a bira Kellen Venero di San Nicolas.  Na di dos lugar a keda Joselien Tromp di Paradera.  Di tres lugar a keda Nairobi Richardson di Dakota.

   E premio di Miss Youth Best Hairdo a bay pa Ivangeline Matos di Pos Chiquito.  El a gana tambe alavez e premio di Miss Youth Popular.