Investment Summit Aruba ta un paso den e bon direccion

Analista local Simon Waslander ta convenci

ORANJESTAD (AAN): E analista local Simon Waslander, a splica cu den hopi di su columnanan den DIARIO, el a expresa su mes hopi critico riba e lidernan politico. Awo tin hopi cos den su punto di bista cu por bay a mihor.  Pero ora mira wak cos positivo pasa, tambe ta na su luga pa mira esaki y skirbi erover.

   Den e caso specifico aki, el a mira recien e anuncio di un Investment Summit cu lazonan di Union Europeo y Hulanda como un paso hopi positivo.

   Lazonan Diplomatico-Economico:  Debi cu nos ta parti di Reino Hulandes nos tin acceso directo na kico ta worde yama e “Embassade Netwerk” di Hulanda. Esaki ta ofrece support den 114 pais. Tambe e ta duna acceso na e nivelnan mas halto gubernamental y di compania di un pais.

   Pues via e lazonan diplomatico economico nan aki por contacta por ehempel multi-nationals, companianan di inversionistanan grandi, universidadnan academico mihor, y otro organizacion na interes di Aruba.  Pues e uso di e hermentnan aki di reino ta algo sumamente positivo.

   Unico Tip: Analisa Mega-Trends Structural di Europa! Aruba como pais chikito cu relativamente poco recurso, no por realmente dicta politica riba e podium internacional politico. Pero siguramente por “ride e wave”, di megatrends structural.

   Pa cu esaki como unico tip cu e lo kier duna ta pa analisa e raportahenan grandi official di strategia di Union Europeo y di e companianan grandi Europeo publico. Den esaki por haya bista riba con Aruba por posiciona su mes como un partner strategico den e maneho di Hulanda y Union Europeo den general. Ehempelnan ta mane e supply-chain di Energia, supply-chain di tecnologia ultra-high-tech, acesso na mercado Sur Americano.

   Na e nivel mas halto strategico di policy international di blok grandi economico tin aspectonan di  “Game Theory” cu ta hunga un rol. Esaki ta un tema sumamente complica, pero splica den placa chikito. Paisnan ta den un wega internacional di “Poker”, contra otro. Den e competencia aki di Poker tur tipo di herment geopolitico, economico y te hasta militar ta disponibel. Awor e pregunta ta con por posiciona Aruba den e manera mas sabio riba plazo largo dentro di contextonan di Game Theory geopolitico.