ORANJESTAD (AAN): Siman pasa Dossier Koninkrijksrelaties a publica un comunicado tocante un investigacion pa mehora votacion di votadonan cu ta biba na e CAS-Eilanden, Aruba, Corsow y Sint Maarten.
E cantidad hopi abou di votadonan na e CAS-Eilanden, durante e eleccionnan pa Tweede Kamer y Parlamento Europeano a duna Minister di BZK, Frank Rijkaart, motibo pa manda haci un investigacion pa asina nan tin un idea kico por haci pa cambia esaki y atrae mas hende pa haci uzo di nan derecho di voto y aumenta participacion di votadonan den e islanan di Caribe.
Entre otro, e investigacion ta encera con pa mehora e registro di votadonan, comunicacion y entrega di carchi di voto pa haci e procedura mas fasil pa tur esnan cu tin derecho di vota. Rijkaart a indica cu e resultado di e investigacion y e consehonan cu por sali for di dje, lo ta cla pa mita di aña 2026.
