International School of Aruba a stop di funciona cu ISS di New Jersey

Awor nan ta cay bao Quality Schools International (QSI)

ORANJESTAD (AAN): Dialuna siman pasa, International School of Aruba (ISA) a marca un etapa importante pa e scol aki, ora cu nan a celebra e cambio di maneho di scol for di International Schools Services (ISS) cu sede na New Jersey, awor pa Quality Schools International (QSI), cu ta un organizacion funda na 1971 cu ta maneha 35 scol den 28 pais, y su sede ta na pais Malta.

   Durante un ceremonia, tabatey presente Dr. Tom Hawkins di ISS, tambe Jeremy Simms kende ta Director nobo di ISA, y Ministro Gerlien Croes, pa asina observa e momento significante aki den e trayectoria di e scol.

   Nan a expresa nan sincero gradicimento na Dr. Kelly pa su liderato y dedicacion como Cabezante di Scol den ultimo tres añanan.  Su compromiso y dedicacion como Directora di e scol a yuda forma y fortalece e comunidad escolar den hopi forma significante.

   Awor cu a despedi di ISS, nan ta gradici nan sinceramente pa e añanan di maneho, partnership, y apoyo na ISA.  Mesun momento ta duna un caluroso bon bini na QSI cu entusiasmo y speranzanan grandi pa futuro.

   E forza di ISA ta sigui riba nan team apasiona y dedica, cu ta atende cu orguyo e alumnonan y famianan tur dia.  Hunto nan ta sperando ya caba e oportunidadnan, e crecimento, y exito continuo cu ta bay spera na International School of Aruba.

   International School of Aruba ta situa na Wayaca Residence.