Interes pa uzo di 'Smartmeters' ta sigui crece den comunidad

Vocero di N.V Elmar ta confirma:

ORANJESTAD (AAN):  Vocero di N.V. ELMAR, Audrey Croes, a duna di conoce cu na Aruba e interes pa e instalacion di 'Smartmeters' ta bay den crecemento.

            El  bisa cu 'Smartmeter' ta wordo uza como 'postpaid' of 'prepaid' locual ta algo hopi conveniente pa e cliente. Ta un 'smartmeter' tin y tin suficiente. Cualkier cliente cu ta desea di cambia pa 'prepaid' N.V. ELMAR ta encurasha pa haci esaki. No ta bay rekeri un cambio di meter. Solamente di programacion. Esaki ta gratis y na momento cu haci esaki e cliente ta haya algun kilowatts/uur gratis pa asina tin tempo suficiente pa recarga e meter. No ta asina cu e cliente lo wordo desconecta, Croes a remarca.

            Pa haci esaki por haci un peticion pa medio di e Customer Service di Elmar. Tur cliente por bin na remarca pa solicita 'Smartmeter' of pa instala un meter prepaga, cu excepcion di esnan cu tin 'solar panels' instala na nan cas, el a enfatisa.