ORANJESTAD (AAN): E siman aki, Pastoor di Parokia Santa Teresita a informa, cu mayornan ya por inscribi pa e Sacramento di Confirmacion.
Por pasa na oficina di Parokia, riba tanto Dialuna, Diaranson, y Diabierna entre 5:00 pm y 6:00 pm.
E ta habri pa hobennan cu ta asisti Scol Basico den Klas 6, y esnan cu ta na Scol Avanza te cu 17 aña di edad.
Bo tin di bay cu copia di certificado di Bautismo, y tambe di Prome Santa Comunion di e hoben, y un copia di certificado di Madrina of Padrino di e hoben.
Por a compronde cu lesnan di preparacion lo bay ta Diasabra mainta pa 10:00 am na Cas di Curason di Maria (Blue Army). Segun Pastoor, inscripcion lo cera dia 8 di Juni 2024.
Sacramento di Confirmacion mes lo bay ta den luna di November 2024.
