Na e lagun dilanti Bucuti Yacht Club
ORANJESTAD (AAN): Un evento di piscamento ta wordo prepara pa Diasabra awor, 25 di Mei 2024, for di 5:00 pm te cu 9:00 pm na e lagun dilanti Bucuti Yacht Club.
E ta wordo yama “Carañito Challenge”, y lo bay tin premionan cash pa esnan cu gara e Carañito di mas grandi.
Premio pa e Carañito mas grandi. Premio pa e di dos Carañito mas grandi. Premio pa e mayor kilahe di Carañito (esaki ta pa boto).
Esnan cu kier bay pisca, tin di paga 10 Florin pa persona. Esnan cu ta bay cu boto, e pot pa boto ta 25 Florin. Y nan lo competi pa mayor kilahe. Tambe lo bay tin control riba lama.
Esnan cu kier inscribi tin di yega ya for di 3:00 pm riba Diasabra atardi pa asina por competi.
Na Bucuti Yacht Club mes, e grupo musical ‘Banda Nos Cu Nos’ lo anima publico for di 7:00 pm te cu 11:00 pm cu musica bailabel.
