Inscripcion a habri pa inscribi pa participa pa "Poeta di Patria" 2025

Comparti e noticia y ban celebra poesia dedica na nos dushi baranca stima!

ORANJESTAD (AAN): Como tradicion di tur aña den luna di maart, nos luna di cultura, nos pueblo ta prepara pa celebra nos identidad y cultura cu e competencia di Poeta di Patria (PdP) 2025. Departamento di Cultura Aruba, Comision Celebracion Dianan Nacional y Fundacion Corrector di Papiamento ta anuncia cu inscripcion ta oficialmente habri pa e edicion di 2025 di PdP.

Fecha y detayenan importante:
Fecha di Competencia: 12 di maart 2025
Luga: Fort Zoutman
Orario: 7:00 pm - 10:00 pm
Ultimo dia pa inscribi: 3 di maart 2025
Ultimo dia pa entrega poesia: 7 di maart 2025

Inscripcion y Participacion:
Tur persona apasiona pa participa por inscribi mandando un e-mail na This email address is being protected from spambots. You need JavaScript enabled to view it. . Participantenan lo ricibi criterianan di PdP, un ehempel di poesia, y un flyer informativo pa comparti.

Cada edicion di PdP ta un oportunidad pa poetanan na Aruba expresa nan amor pa nos isla, nos idioma y nos cultura. Inscribi awe mes y derama bo amor pa Aruba cu bo palabra!