Iberostar Group a worde reconoci den ‘TIME100’ como un di e companianan mas influyente

ORANJESTAD (AAN): Iberostar Group a worde reconoci como un di e companianan di mas influyente na e lista di TIME100.

E lista prestigioso aki cu ta sali anualmente ta honra 100 companianan cu tin un impacto global extraordinario.

   Iberostar, un compania 100% di famia Spaño ta worde destaca den categoria di lidernan pa su compromiso cu un modelo di turismo responsibel y pa su impacto den e industria global di turismo, y su ambicion pa transforma e sector atraves di ciencia y innovacion.

   E reconocemento aki ta pone Iberostar como e unico compania di origen Spaño den turismo riba e lista di TIME cu ta reconoce companianan cu tin impacto riba e futuro di mundo empresarial, sostenibilidad, innovacion, impacto y exito economico.

   “E reconocemento aki di TIME ta duna nos mas motivacion pa sigui transforma turismo y ta pone e esfuersonan colectivo di un ekipo excepcional cu ta traha cu un vision pa futuro y ta compromete cu excelencia. E logro aki ta duna nos inspiracion pa sigui bay dilanti cu determinacion y pone nos proposito y balornan como pilar fundamental di nos crecemento pa futuro” ta loke Sabina Fluxa, Vice-Chairman y CEO di Grupo Iberostar a remarca.

   Compromiso cu un modelo di turismo responsabel: Loke a pone Iberostar resalta ta su enfoke riba un modelo positivo di turismo responsabel, cu ta pone e ser humano y planeta como focus principal. Via su movecion Wave of Change, e compania ta promove ambiente laboral inclusivo y; cu ta fortalece su compromiso cu comunidadnan, stimula desaroyo socio-economico di e destinonan caminda e ta opera. Esaki ta motiva accionnan pa proteha biodiversidad marino y mitiga impacto climatico, for di rifnan den Caribe te posidonia den Mediterraneo.

   Igualmente, e compania ta traha pa promove un oferta gastronomico mas consciente cu ta conecta cu lama como fuente di bida y ta traha riba accionan concreto pa restaura ecosistemanan marino y costero, y tambe ta traha pa consolida un experiencia circular den su hotelnan, minimalisa desperdicio, mehora eficiencia energetico y alarga bida util di materialnan. Tur esaki sin perde bista riba crecemento responsabel, cu ta balansa rentabilidad, un maneho ambiental riguroso y impacto social positivo.

   “Pa worde inclui den e lista TIME100 ta reafirma cu nos ta haciendo avancenan positivo basa riba ciencia, colaboracion y proposito, esaki ta importante den crecemento di empresa. Door di integra un enfoke strategico responsabel den nos operacionnan, nos kier mustra cu sostenibilidad ta genera balor pa tempo largo. E reconocemento aki ta fortalece nos vision pa crea un modelo di turismo cu ta sostene naturalesa, apoya comunidadnan local y crea resiliencia - pa crea beneficionan pa futuro generacion,” Gloria Fluxa a sigui bisa.

   Por revisa e lista completo por check e website aki:

www.time.com/time100

   Pa genera e lista, TIME a selecciona nominadonan den tur sector y a consulta su red global di “contributors and correspondents”, hunto cu experto Internacional. E editornan di TIME a evalua cada categoria nomina basa riba factor clave, incluyendo impacto, innovacion, ambicion y exito. E resultado ta un grupo diverso di 105 compania cu ta yuda na desaroyo.

   Manera ta conoci, recien Iberostar a habri nan prome resort riba e isla, esta JOIA by Iberostar na Eagle Beach.  Pa Iberostar, danki na e talento di un ekipo global di mas cu 37.000 persona cu ta bin di 95 diferente nacionalidadnan, e Grupo a logra reconocimento pa su esfuerso pa promove un modelo di turismo responsibel cu ta pone bienestar di hende y medio ambiente na prome lugar. Su compromiso cu calidad ta haci un diferencia clave cu ta stimula desaroyo continuo, producto innovativo y un servicio di cliente excepcional.