Hulandesnan yudando e Haitianonan cu boter di awa

ORANJESTAD (AAN): Keto bay e yudanza di Defensa Hulandes na Haiti, ta wordo bon ricibi!

  Esey ta informacion nobo cu DIARIO a ricibi ta indica cu e ultimo dianan aki, na pueblo di Aquin (Haiti) nan a cuminza duna material di yudanza.

   E material mas principal cu nan a duna tabata awa di bebe.  En total nan a duna 26 palet cu tabatin 1.680 boter riba cada palet.  Cu Helicopter NH90 nan a wordo transporta for di e barco pa asina trece na tera.

   For di pueblo di Aquin, e gobierno local a keda encarga pa hiba e demas boternan di awa pa pueblonan mas chikito cu tin rond di nan.

   Zr.Ms. Holland a keda di busca Diahuebs material nobo, incluyendo articulonan medico pa sigui yuda esnan na Haiti.

   Riba e potretnan aki pa cortesia di Defensa Hulandes, por mira mas di e operacion di yuda esnan na Haiti.