Beach na Bushiri ya caba perdiendo su bataya contra lama

ORANJESTAD (AAN): Na comienzo di luna di Augustus, a elabora riba e rapport di mas nobo di Nacionnan Uni,

unda ta indica cu e calentamento global di e planeta aki lo por pone cu nivel di lama por sigui subi.

   Y e siman aki mes, kizas hopi hende no a para keto un rato y ripara con e lama ta reclamando su tereno.

   Tuma por ehempel e pida beach pabao di unda antes tabata Bushiri Beach Resort, y si bo mira bon, por ripara cu na un di e matanan cu pa hopi aña tabata ariba tera, awendia ya ta morto.  Esey ta debi cu lama a kita su tereno y awo ta forma parti di lama.

   Considerando esey, mester bisa, cu aki por mira cu ya caba e lama a tuma mas cu 1 meter di tereno back y manera y grandinan sa bisa, ora lama escohe pa reclama su tereno, no tin nada pa pare.