Minister Geoffrey Wever:
ORANJESTAD (AAN) Minister di Finanzas, Economia y Sector Primario Geoffrey Wever, den entrevista cu Matutino DIARIO a menciona cu gobierno tin cu haya e Estudio di Factibilidad di e proyecto “Agri Innovation Park”, e costo y e tecnologia con e ta hinca den otro y Gobierno di Aruba tin cu evalua esaki.
Ora cu Gobierno tin e documentonan “in place” y por bin cu decision di tuma paso. P’esey a percura pa tin tur e investigacionnan y consehonan in place, prome cu nan bay gasta fondonan publico den e construccion di e parke, pa nan ta sigur cu lo cual nan ta haci ta algo efectivo.
“Tambe ta importante pa menciona cu e forma con nos a approach tambe a haya, por ehemplo, atencion di Hulanda, pasobra e estudio y tur loke nos ta haciendo aworaki ta wordo financia door di Hulanda. Hulanda a kere den e vision, pero tambe ta kere den e manera con nos a approach esaki. Esaki mi ta kere, ta un parti positivo di con nos ta ocupa den e proyecto aki”, e dignatario a remarca.
