ORANJESTAD (AAN): Siman pasa a tuma lugar na Den Haag, e celebracion di 75 aniversario di e Acuerdo Europeo pa Derechonan Humano (EHRM),
organiza pa Ministerio di Asuntonan Exteriores y Ministerio di Husticia y Seguridad.
Hues Solange Christiaan a asisti na e celebracion na nomber di Corte Comun di Husticia, y den e cuadro ey a duna un introduccion riba e situacion di derechonan humano den Caribe Hulandes. Entre otro tema, a papia riba e sentencia di EHRM encuanto caso di Murray (sintando castigo cadena perpetuo sin revision) y Corallo (condicionnan di detencion), como tambe e sentencia di Hoge Raad riba e apertura di matrimonio entre personanan di mesun sexo.
Tambe Solange a participa den un discusion di panel cu Reinier van Zutphen (Ombudsman di Hulanda), Rick Lawson (president di College pa Derechonan Humano), y Jasper Krommendijk (profesor di Derechonan Humano), unda a debati, entre otro e importancia di derechonan humano na Europa y di Caribe Hulandes.
