Minister Geoffrey Wever:
ORANJESTAD (AAN) Minister Geoffrey Wever, titular di Finanzas, Economia y Sector Primario, den entrevista cu Matutino DIARIO, tocante e compromiso cu e tin cu esnan cu ta desaroya e sector primario na Aruba, pa cumpli cu nan necesidadnan pa por produci eficientemente, cu recientemente el a haci un proyecto pa esnan cu tin ‘chicken farms’.
“Nos a laga nan tur bin hunto, nos a invita nan na un ‘open call’ den cual tur hende a participa. Nos a bisa nan cu nos ta bay yuda esnan cu tin business plan, cu nos sa cu si nos duna nan tereno nan ta bay logra e produccion. Anto esey ta e approach cu nos a scoge pa nos ta sigur cu e tiki terenonan cu tin na Aruba ta wordo uza na e forma mas optimal. Den pasado a duna hopi tereno pa agricultura na hopi hende, cu awe tur ta bashi, ningun ta wordo uza. Anto, nos kier evita cu nos ta cay den djis duna hende tereno, pasobra hende cu ta pidi tereno mester demostra cu nan tin un plan, cu por bin na remarca pa haya un tereno of un extension”, e dignatario a enfatiza.
El a duna di conoce tambe, cu awo e chicken farms ta na 15% di produccion local di webo y mester bay na 100%.
