Hubilarionan special honra na Hilton

ORANJESTAD (AAN):  Recientemente Hilton Aruba Caribbean Resort & Casino a celebra y honra 37 di nan miembro di team y nan careranan na termino largo.

   E anochi a cuminsa cu un discurso duna pa General Manager Vasco V. Baselli, na Papiamento, gradiciendo e miembronan di team pa nan servicio fiel durante añanan. E resort a celebra 25, 30 y 35 aña di servicio di nan 37 miembronan, representando un total di 1,055 aña di experiencia y servicio.

   E cifra grandi aki ta refleha e historia di e resort, y na momento oportuno na unda cu localnan educa tabata buscando pa transiciona for di industria di petrolio na turismo.

    Durante añanan y transicion di marcanan di hotel, miembronan fiel di team a permanece. Glenn Farro, Director of Human Resources a bisa “nos ta yama nos mes Charter Members. Mi ta orguyoso di por a worde yama aden ora cu e resort a habri su portanan atrobe manera The Golden Tulip, señalando na loke ta e comienso di Aruba su industria di turismo.”

   “Abo ta un inspiracion pa nos tur,” General Manager Vasco v. Baselli ta bisa. “Bo etica di trabao y fieldad ta admirabel na un y tur, anto e alegria den con bo ta sirbi nos bishitantenan ta excepcional.” Den e palabranan di Elinor Roosevelt, “hospitalidad berdadero ta consisti den duna e miho di bo mes na bo guests.”

   Riba potretnan por mira e hubilarionan.